XX. mendeko Euskararen Corpus estatistikoa
Testuingurua
d) Europa'ko Ifar-aldea.
Pleistozeno'ko izoztiak bukatzean zeinbait eiztari-talde Ifar-Europa'n biltzen dira.
Europa'ko Ifar-aldea Mesolitos garaian eize eta arrantzarako aberastasun andiko lurraldea zan.
Batez ere, lurralde otz xamarrak ziranez, elur-oreinak eta honelako beste zenbait abere mota ugari aurki zitezkean.
Arrantzarako ere ba zan zingira eta itsas-ertz egokirik.
IV-garren millurtearen erdi-aldean jartzen dira arremanean Ifar-Europa'ko mesolitos-talde hauek, Erdi-Europa'n kokatuak zeuden lehen nekazariekin.
Ba zan arrazoirik arreman hauek lehenago ez izateko.
Dirudienez, Alemania, Polonia, Dinamarka, eta Baltiko eta Ifar-Itsasoko lurralde-inguruak oso eskasak ziran nekazaritzarako.
Batetik
Lur hauek etzuten lanberri bihurtzeko balio.
Hau hola izanik, Ifar-Europa'n Neolitos aroa hain berandu astearekin ezin arritu.
Dana dala, K.a. IV-garren millurtean protoneolitiko kultura antzeko bat ageri da Europa'ko Ifar-aldean.
Abereak ezitzen asiak dira.
Lan-tresnarik gehienak Mesolitos garaikoak dira.
Halabainan, Neolitos aroko zenbait langai ere ba darabilzkite: Arrizko atxur, aizkora eta mailluak adibidez.
K.a. III-garren millurtean, zibilizazio berri bat sortu zan Beljika eta Polonia eta Suezia eta Morabia artean dauden lurraldeetan.
Zibilizazio berri honek lehengo mesolitos-ekonomia zeharo baztartu araziko du.
Ba dirudi aldakuntza hau kanpotik etorritako giza-taldeek egindako kolonizatze baten ondorio izan zela.
Baina bertako mesolitos garaiko zenbait ezaugarrietan oinarrituta dagoela ere aitortu beharra dago.
Nekazari-ekonomian finkatuak dira bereziki.
Hauek ere garia eta garagarra eraiten zituzten gehienbat.
Labore-lan honekin batean, aberegintzan ere aski saiatuko dira.
Lan-tresna kontuan berriz, su-arriz egiñikakoak dira ugarienak: aizkora, daratuloa,